تحل روجينا ضيفة الإعلامية منى عبد الوهاب الفنانة في برنامجها الخاص “أنا والقناع” وتحدثت الفنانة روجينا. خلال استضافتها في البرنامج عن نقيب المهن التمثيلية الفنان أشرف زكي زوجها وعن علاقتهم.
وصفت الفنانة روجينا الفنان أشرف زكي بالبطل قائلة ” أنا اتجوزت أشرف وأنا عندي ١٨ سنة. أول مرة شوفت أشرف كنت أنا في الجامعة وهو معيد قدر يجذبني ليه بسهولة، أشرف بالنسبالي الأمان والبطل بتاع. لما يكون عندك صاحب وتحكي ليه عن كل حاجة بتحصلك أو مشكلة ليكي أو لحد من أهلك. وتجري عليه عشان يحلها هو دة بالظبط اللي حصل. فإنتي متخيلة بقي أني الشخص دة قدامك على طول وفي نفس المكان اللي أنتي قاعدة فيه. أشرف ذكي مش زكي اللي هو اسمه لا هو ذكي صفة قادر يجذبني ليه. ومن أول ما شوفته أتمنيت أنه يكون من نصيبي “.
كشفت الفنانة روجينا عن كواليس فترة انفصالها عن الفنان أشرف زكي، قائلة: “الانفصال جعلنا نفكر في بعض وإحنا بعيد. ونشوف إحنا محتاجين لبعض ولا لاء، ونشوف نقدر نكمل من غير بعض ولا لاء”.
وتابعت: “إللي بين اتنين محدش يعرفه، مهما حكيتي واشتكيتي. وقولتي لأصحابك محدش هيفهم لأن اللي بينك وبينه إنتو بس إللي عارفينه”.
وهل روجينا لها عند أشرف زكي، أم أن أشرف زكي له عند روجينا؟. ردت: “لقيتنا ممكن نعمل حياة تانية أفضل لو أنا تفهمت وهو تفهم. لو هو جه على نفسه شوية، وأنا جيت على نفسى شوية. كنا عملنا حياة أفضل، عمري ما حسيت إن حياتي بها تضحيات. معقبة: “أنا من غير حياتي ولا حاجة ومن غير أشرف ولا حاجة. ده الحقيقي بيتي وجوزي واولادي وأمي وأخواتي هم الحقيقي، واللي مش حقيقي هو الغير كده”.
وأضافت: “كانت أمي دايما بتقولي وأنا صغيرة أهم حاجة بيتك. أهم حاجة تتجوزي وتخلفي، وعشان كده أنا اتجوزت بدري لأن كلامها كان له طاقة مؤثرة عليا”.
“أنا والقناع” برنامج رمضاني تقدمه الإعلامية منى عبد الوهاب. ويعرض على قناتي الحياة و cbc ضمن خريطة الشركة المُتحدة للخدمات الإعلامية وإنتاج شركة DS+، يستضيف السوبر ستار من الفنانين.