كشفت الفنانة نيللي كريم رأيها في تمثيل زوجها هشام عاشور، والانتقادات التي تتعرض لها، خلال لقاء الإعلامية منى عبدالوهاب في برنامجها الرمضاني “أنا والقناع”.
رأي نيللي كريم في زوجها كممثل:
وقالت نيللي كريم خلال اللقاء: “هشام ممثل كويس لكن معندوش خبرة كبيرة، لأن الخبرة بتيجي من كثرة الأعمال، حتى لو الممثل بيشتغل على نفسه وبياخد كورسات ولكن الوقوف قدام الكاميرا مختلف خالص، إلى جانب أن الممثل يلاقي نفسه والدور كل ده بياخد فترة”.
نيللي كريم: مش بشتغل غير مع مخرجين أقوياء
وأكدت نيللي كريم، أنها لا تفرض رأيها على المخرج قائلة: بحب المخرج يكون مسيطر ودايمًا بشتغل مع مخرجين أقوياء.
تعرض نيللي كريم للنقد:
وتحدثت نيللي كريم عن تجربتها في الفوازير قائلة: “تعرضت للنقد في بداية حياتي لما قدمت الفوازير وما كنتش أعرف أن في صحافة مهتمة بالفوازير ورمضان، وكنت بقرأ زي أي حد كاتبين عني أيه وما هزنيش الانتقاد، لأني كنت بعمل حاجة نفسي فيها ورغبة طفولية حققتها، وأنا بقرأ كل النقد وبفكر لو حد عنده حق ولا لا ولكن الشائعات بتزعجني”.
وضحت نيللي كريم إلى أنها لا تحسب دورها بالمساحة، موضحة: “دوري مش بيتقاس بالمساحة ومش ببص لها وأنا اشتغلت حاجات بطولة جماعية ويكفيني القصة تكون حلوة ولو فيها شخصيات كتير أحب اعملها مش هختلف”.
كما لفتت نيللي كريم إلى أن الشيء الذي ندمت عليه هو “أنها لا تقضى وقتًا مع أبنائها بسبب انشغالها بالأعمال”.
وكشفت نيللي كريم بعض من صفاتها قائلة: “لما بحس أن بني آدم فهمني غلط بعتذر على طول، مش بقدر أذي مشاعر حد، وباجي على نفسي في حاجات كتير”.
ووجهت نيللي كريم نصيحة إلى نفسها، قائلة: “انبسطي وافرحي والحياة حلوة وما تشليش هم حاجة وكل حاجة بتعدي”.