ليونة الأربطة عند الأطفال شائعة جدًا، و في حالات كتيرة لم يتم تشخيصها عشان كده هنتكلم انهارده عن ليونة الأربطة عند الاطفال وايه هو العرض الشائع الخاص بيها؟ وهنتعلم ازاي نتعامل معها 🤔
يعني إيه ليونة الأربطة؟
- رباط يعني المنطقة اللي ماسكة المفصل من الجانبين، الرباط ده لو في ليونة يبقى المفصل هيتحرك أكثر من اللازم وبالتالي يطلع صوت طقطقة.
- مهم جدًا إننا نبقى عارفين ان الطفل بيتحسن مع الوقت، وعند سن البلوغ بتختفي خالص ليونة الأربطة بنسبة إلى ٩٠:٨٠ ٪ من الأطفال.
هل الأطفال ميلعبوش رياضة؟
- بالعكس الرياضة هي اللي بتحميهم من أن يحصلها خشونة في المستقبل وبالتالي لازم يلعبوا رياضة زي السباحة أو كرة قدم .. المهم انه يلعب رياضة لأن قوة العضلات بتحمي المفاصل.
هل ده بيأثر على نموهم؟
- لأ، مفيش أي تأثير على النمو ومش شرط يسبب الآلام لانها ممكن تبقى مجرد طقطقة.
هل في تحاليل معينة ممكن تتعمل؟
- لو لقيت مفاصله بتطقطق، يفضل تعمل تحليل فيتامين د وتحليل كالسيوم والغدة الدرقية.
في حاجات ممكن تحصل كمان للطفل اللي عنده ليونة في الأربطة:
- أهم حاجتين: ١- الفلات فوت.
- ٢- نتأكد ان مفيش انعواج في العمود الفقري.
- ليونة الأربطة غالبًا حميدة ومبتمنعش الطفل أنه يعيش حياة طبيعية تمامًا، بس ياخد باله من قعدته ويستخدم مفاصله بطريقة آمنه ويقوي عضلاته ودمتم سالمين.
التواصل من خلال الأرقام التالية:
– عيادة الهرم
336 ش فيصل – بجوار البنك الاهلي المصري ( فرع المطاحن ) 01147707023
– عيادة زايد
عيادات الندى – بيفرلي هيلز – عيادة رقم 201 – مركز مرعي للعلاج الطبيعي 01022160064
موقع مركز الروماتيزم:
www.Rheumatologycenter.net”