خصومات تابعينا على السوشيال ميديا وأحصلي على خصومات لعيادات ايف ومعارض مستلزمات البيت.

محمد فؤاد في برنامج العرافة: أي حد بيروح لرامز جلال بيبقى عارف

حل الفنان محمد فؤاد ضيفاً في برنامج “العرافة” الذي تقدمه الإعلامية بسمة وهبة ويتم إذاعته على قناة النهار والمحور في تمام الساعة السادسة مساءً عقب آذان المغرب مباشرة وكشف محمد فؤاد خلال البرنامج عدد كبير من التصريحات و أبرز هذه التصريحات معرفته ببرنامج رامز جلال.

فقال: “بصراحة أنا عارف إني رايح لرامز جلال والمفاجأة إلى لازم اكشفها لكل الناس أن الضيف بيبقى عارف انه رايح لرامز ولكنه ميعرفش نوع المقلب وأنا مكنتش عارف ان هيحصل كل ده صح ايه لأنه مجنون وممكن يتسبب في مصيبة…أنا روحت لرامز وهروحله تاني ومش هقبل الهجوم عليه لأن سكاكين الدنيا جت عليه والسوشيال ميديا سم قاتل وكله بيفتي”.

وقال محمد فؤاد، خلال لقائه مع الإعلامية بسمة وهبة في برنامج العرافة: “عملت تجربة برنامج فؤش في المعسكر عشان اوري لـ رامز ولغيره.. أني ممكن أعمل برنامج من غير مأذي الشخص ولا اتلفظ بأي ألفاظ مسيئة.. وهو دايما بيزعل الناس منه”.

وتابع محمد فؤاد حديثه عن معرفته بمقلب رامز جلال، حيث قال: “معرفش أنه هيتعمل فيا كده في مقلب رامز.. الفخ بيكون مرسوم أن الضيف مش عارف المقلب.. وأي حد يقول أنه مش عارف رايح لـ رامز بيمثل، هما كنا عارفين أني عامل عملية.. ودراعي كان هيتكسر”. 

رأي محمد فؤاد في المغني عمر كمال:

وعلق محمد فؤاد في تصريح له عن المغني عمر كمال حول إنه يتوقع نجاح عمر كمال أكثر منه، مضيفاً: “هو أنا مجنون ولا إيه، أنا اللي عملت عمر كمال”.

غيرة محمد فؤاد من محمد هنيدي:

عندما سألته الإعلامية بسمة وهبة عن غيرته من الفنان محمد هنيدي بسبب فيلم إسماعيلية رايح جاي، أجاب محمد فؤاد : “متخلقش اللي أنا أغير منه، عندك إيه مش عندي؟ أنا اللي كاتبلك تضَحك ازاي في الفيلم، يبقى أغير منه”.