خصومات تابعينا على السوشيال ميديا وأحصلي على خصومات لعيادات ايف ومعارض مستلزمات البيت.

أزمات فيلم تامر حسني

تتوالى أزمات فيلم تامر حسني، قامت الفنانة مي عمر بالاعتذار عن المشاركة فى فيلم تامر حسني الجديد، وذلك بسبب صعوبة تنسيق المواعيد مع ارتباطاتها الفنية الأخرى، خاصة وأنها تشارك النجم ياسر جلال بطولة مسلسله الجديد لموسم رمضان 2023، كما تعاقدت على بطولة فيلم للنجم محمد رمضان من إخراج زوجها محمد سامي.

قامت الفنانة مي عمر بنشر عبر حسابها بموقع “تويتر” صورة لها برفقة تامر حسني من كواليس التحضير لفيلم “تاج” وعلقت عليها قائلة: “للأسف حصل تغيرات في مواعيد التصوير واتفقنا أنا وتامر حسني إننا إن شاء الله نتقابل في عمل آخر قريباً، وكل تمنياتي لتامر ولأسرة الفيلم بالنجاح والتوفيق”.

رد تامر حسني على مي عمر:

أعاد تامر حسني مشاركة تغريدة مي عمر، وعلق عليها قائلاً: “هنتقابل في أحلى عمل إن شاء الله يا ميوش وربنا يوفقك في كل شغلك وتكسري الدنيا كالعادة”.

وهذا ليس أول انسحاب لبطلة العمل، سبق أن اعتذرت الفنانة هنا الزاهد قائلة: “تامر حسني صاحبي جدا وحصل ظروف مكنتش هعرف أصور معاهم عشان الوقت، وهما كانوا هيصوروا الأسبوع اللي جاي، أنا كنت محتاجة وقت كتير عشان أقدر أصور معاهم، فمش هعرف وعشان كدا اعتذرت”.

لم تكن هذه فقط أزمات فيلم “تاج” الجديد، نشر الفنان أحمد تهامي أن فكرة الفيلم هي فكرته منذ عشر سنوات حيث شارك التفاصيل عبر حسابه على  “الفيسبوك” قائلًا : “أنا سكت كتير عن حقي عشان ما زعلش حد مني اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمدى اللي يليق بمجهودي وتعبي في مشواري الفني قولت كل شيء نصيب والحمد لله على حب الناس والدنيا مستورة والحمدلله”

وأضاف أحمد التهامي: “إنما توصل إن مشروعي مشروع عمري اللي أنا تعبت فيه كتبته ولفيت بيه على معظم شركات الإنتاج ولسة عندي يقين وإيمان بالله إن هييجي يوم وأعمله يتسرق مني ويعمله حد تاني بغض النظر ده فيلمي ومشروعي أنا أول واحد من 10 سنين فكرت في فكرة البطل الخارق وطول الفترة دي كان يتسرق أجزاء من الفيلم وأقول عادي، إنما التوأم الخارق، ده بتاعي ومسجله في المصنفات والشهر العقاري”.

وتابع : “تامر حسني صاحبي وأخويا وأكيد مايعرفش المعلومة دي أرجو الرساله توصله لأن أكيد في ناس كتير مؤذيه وحسبي الله ونعم الوكيل أنا حاولت أوصل ل تامر حسني ومعرفتش”.